Dr Schalk van der Merwe, buitengewone senior lektor aan die Universiteit Stellenbosch (US), is reeds vir ‘n aantal jaar ‘n gereelde gasbesoeker by die Afrikaanse taal- en kultuurkursus vir Nederlandssprekende studente, waar hy op verhalende wyse sleutelgebeure uit die Suid-Afrikaanse geskiedenis met studente deel en bespreek. “Wanneer dit kom by die geskiedenis en herkoms van Afrikaans, is dit noodsaaklik om die taal se diversiteit uit te beeld, asook hoe dit in diens gestaan het van prosesse van sosiale verandering,” sê dr Van der Merwe. As deel van die kursus se tienjaarviering het ons hom ʼn paar vrae gevra.