Deprecated: Return type of WP_Hook::current() should either be compatible with Iterator::current(): mixed, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 482

Deprecated: Return type of WP_Hook::next() should either be compatible with Iterator::next(): void, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 495

Deprecated: Return type of WP_Hook::key() should either be compatible with Iterator::key(): mixed, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 508

Deprecated: Return type of WP_Hook::valid() should either be compatible with Iterator::valid(): bool, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 521

Deprecated: Return type of WP_Hook::rewind() should either be compatible with Iterator::rewind(): void, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 532

Deprecated: Return type of WP_Hook::offsetExists($offset) should either be compatible with ArrayAccess::offsetExists(mixed $offset): bool, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 424

Deprecated: Return type of WP_Hook::offsetGet($offset) should either be compatible with ArrayAccess::offsetGet(mixed $offset): mixed, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 438

Deprecated: Return type of WP_Hook::offsetSet($offset, $value) should either be compatible with ArrayAccess::offsetSet(mixed $offset, mixed $value): void, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 452

Deprecated: Return type of WP_Hook::offsetUnset($offset) should either be compatible with ArrayAccess::offsetUnset(mixed $offset): void, or the #[\ReturnTypeWillChange] attribute should be used to temporarily suppress the notice in /home/taalsentrum/public_html/english/wp-includes/class-wp-hook.php on line 469
Izifundo zesiNgesi – Stellenbosch University Language Centre
Stellenbosch University Language Centre

Category: Izifundo zesiNgesi

Uhambo lukaMeryl lweTEFL

UMeryl Davidson ugqibe ikhosi yakhe yeTEFL nePotfoliyo yesiNgesi kwiZiko leeLwimi lweYunivesithi yaseStellenbosch kwaye emva koko waba ngumfundisintsapho wesiNgesi eSouth Korea ithuba leminyaka emibini. Isiqinisekiso sikaMeryl seTEFL sikuvumela ukuba ufundise isiNgesi njengolwimi lelinye ilizwe ekhayeni naphesheya kolwandle.

Sibuze uMeryl imibuzo embalwa ngala mava ateketeke malunga nokuhambela kwamanye amazwe kunye nokusebenza phesheya kolwandle.

Yintoni eyabangela ukuba uthathe isigqibo sokwenza iTEFL?
Ndathatha isigqibo sokwenza iTEFL ngelixa endandingafumani msebenzi osisigxina apha eMzantsi Afrika, ndandisiba mdala kwaye ndifuna ukuzikhathalela. Ndandikwanomnqweno onzulu kakhulu wokufuna ukuhambela kwamanye amazwe, ke ngoko ndacinga ukuba lelona thuba lifanelekileyo eli ukuba ndilisebenzise.

 

Zeziphi iingcango ozivulelwe sisiqinisekiso seTEFL?
Ndichithe iminyaka emibini ndifundisa isiNgesi eSouth Korea. Ndikwahambele neSoutheast Asia iphela kule minyaka mibini – into abanye abantu abangenokuyithetha.

Ihlabathi ndiye ndalibona ngolunye uhlobo, ndilujonge ngembono entsha kwaye yaba ngamava okutshintsha ubomi. Bendingenakukwazi ukuyenza le nto ukuba bendingakhange ndenze isiqinisekiso sam seTEFL.”

Ndinomdla wokuhamba okungummangaliso kwaye ndithanda ukuzijikeleza ngenkcubeko kunye nezithethe ezahlukeneyo. Ndakha ubuhlobo kunye nobudlelwane obuqinileyo bexesha elide, kwaye ndisaqhagamshelana noninzi lwabantu endandidibene nabo ngexesha endandiphesheya kolwandle. Ndikonwabele kakhulu ukungena nzulu kwinkcubeko yaseAsia kwaye ndenza izinto ngendlela abenza ngayo. Umzekelo, ngelixa ndandisiza apha eMzantsi Afrika, kwakunzima ukuba MANDINGAZIKHULULI izihlangu ngaphambi kokungena endlini okanye emzini womnye umntu!

Zeziphi iindlela ikhosi yeTEFL ekuxhobise ngazo kumsebenzi wakho?
Ikhosi yeTEFL endiyenze kwiZiko leeLwimi kwiYunivesithi yaseStellenbosch yayiyinkqubo ebanzi ngokumangalisayo nethathe iiveki ezine. Kwezi veki zine sasilungiselelwa naziphi na iziganeko ezinokubakho kwigumbi lokufundela isiNgesi njengolwimi lelinye ilizwe. Ngokwenene ayikho into enokulungiselela ubomi phesheya de ube uyaya ngokwakho, nangona kujalo, ikhosi yeTEFL ngokuqinisekileyo indilungiselele kangangoko into emandiyilindele kwigumbi lokufundela ngeendlela ezininzi.

Ngaba ungabelana nathi ngezizathu ezintathu ezibangela ucinge ukuba ukwenza ikhosi yeTEFL kunye nokusebenza phesheya kolwandle kube yinto umntu anokucinga ukuba angayenza?

  1. Akukho mvakalelo ikwenza ukhululeke ngakumbi njengokuthatha isigqibo malunga nento ethile okanye eyahlukileyo oyinqwenela ngokwenene.
  2. Ikutshintsha ngendlela ongenakuyicingela. Indlela ocinga ngayo, imibono yakho kwaye nendlela obona ngayo ihlabathi iyatshintsha. Yonke into obucinga ukuba uyayazi ivele inyamalale.
  3. Ukuzimela kwakho yeyona nto inexabiso elikhulu kuwe. Akukho ndlela ingcono yokuzimela eyodlula ukungena kwindawo ongayaziyo ungena wedwa. Hlukana nokuva ngokuviswa ngobunjani belizwe. Zibonele ngokwakho!

Ngaba ungathanda ukwenza ikhosi yeTEFL? 

Usentlahleni: ikhosi yethu esisigxina iyaqala nge26 kaJuni kwaye ikhosi yeTEFL engesosigxina iyakuqala nge24 kaJulayi kwaye isekhona indawo ukuba unomdla. Kodwa kufuneka ufake isicelo nge16 kaJuni kwikhosi esisigxina nange14 kaJulayi kwengesosigxina ikhosi.

 

[us_cta title=”” btn_label=”Funda ngakumbi kwaye ufake isicelo apha” btn_link=”url:https%3A%2F%2Flanguagecentre.sun.ac.za%2Fproduct%2Fteaching-english-as-a-foreign-language-tefl%2F|target:_blank|” btn_style=”2″]Siza kuphinda sibenazo ezinye ezingakumbi xa kuphela unyaka. [/us_cta]
Tags: , ,

Iphulo elingeelwimi elijoliswe kubafundi abasuka kumazwe angaphandle

Abafundi abasuka kumazwe angaphandle abanomnqweno wokuphucula ulwazi lwabo lolwimi lwesiNgesi banethuba lokubhalisa kwiNkqubo eNzulu yesiNgesi yeZiko leeLwimi (IEP). Le nkqubo ikhuthaza abafundi abakumanqanaba ohlukeneyo ngaphakathi kwi-IEP ukuba badibane ngooLwezihlanu bedibanela iwekhshophu yeelwimi ejoliswe ekubeni banxibelelane bethetha ulwimi lwesiNgesi.

NgoLwesihlanu, owama-23 kweyeThupha (Agasti), abafundi bethu bakaloku nje be-IEP abasuka kumazwe angaphandle baye bathabatha uhambo kwiGadi yeZityalo neZilwanyana yase-SU bekhokelwe yinkokeli enolwazi kakhulu kwaye enikisa umdla, uSandiswa Kula. Uye wabalisela abafundi amabalana amnanjana ebanika nolwazi malunga neentlobo ngeentlobo zezityalo, izinambuzane, izilwanyana kunye neentaka ezinokufumaneka kwezi gadi. Abafundi baye batyelela izindlu zeglasi eziliqela, amachibi ezityalo ezikhula phantsi kwamanzi, ihlathi elaziwa njengeBonsai, amatyholo ezityalo zohlobo lweProtiya kunye negadi yezityalo ezinokusetyenziswa nje ngeziqholo, babuza imibuzo baze bathelekisa izityalo nezilwanyana abazibonileyo kunye nezo zakumazwe abo.

Ibhloko ye-IEP iquka iiyure ezingama-20 zokuhlohlwa kolwimi lwesiNgesi ukususela ngentsimbi ye-9:00 ukuya kweye-13:00, ngoMvulo ukuya ngoLwesihlanu, iiveki ezi-8. Abahlohli abafundele ukufundisa ulwimi lwesiNgesi njengolwimi lwangaphandle bafundisa besebenzisa iintlobo ngeentlobo zeencwadi zezifundo kunye nemithombo yoncedo elungiselelwe oko ukuze baphucule izakhono zabafundi zokufunda, ukubhala, ukuthetha kunye nokumamela. Ngaphezu koko kunikwa ingqwalasela kwigrama, ukubizwa kwamagama kunye nokwandiswa kolwazi lwamagama esiNgesi. Abafaki-zicelo abatsha babhaliswa uvavanyo lokungeniswa kwi-IEP, vavanyo olo luncedisa ekubeni umfundi ngamnye afakwe kwinqanaba le-IEP elimfaneleyo.

Imihla yeebhloko ezilandelayo ihamba ngolu hlobo lulandelayo:

2019: 14 kweyeDwarha (Okthobha) ukuya kowe-6 kweyoMnga (Disemba)

2020: 3 kweyoMdumba (Febhruwari) ukuya kowama-27 kweyoKwindla (Matshi), owe-6 kwekaTshazimpuzi (Epreli) ukuya kowama-29 kwekaCanzibe (Meyi), owe-8 kweyeSilimela (Juni) ukuya kowama-31 kweyeKhala (Julayi), owe-11 kweyeThupha (Agasti) ukuya kowe-2 kweyeDwarha (Okthobha), owe-12 kweyeDwarha (Okthobha) ukuya kowe-4 kweyoMnga (Disemba).

Ukuba unomdla okanye ungathanda ukufumana ulwazi oluthe vetshe, qhagamshelana nomququzeleli we-IEP kwiZiko leeLwimi, uShannon Bishop.

 

A linguistic adventure for international students
Tags: , ,