Nangona ukwahlukahlukana, ukuqondwa kakuhle komnye ngomnye nokuhloniphana izizinto eziphantsi kongqingo kwezinye iinxalenye zehlabathi, thina kwiYunivesithi yaseStellenbosch (SU) siyazi ukuba isakhono sokusebenzisa iilwimi ezininzi siyakuqinisa ukufunda, unxulumano nobulungu phakathi kwabantu. IZiko leeLwimi laseSU limema abafundi nabasebenzi bethu ukuba babe yinxalenye yeVeki yeeLwimi yeEUTOPIA-SU ukususela ngomhla wesi2 ukuya kowesi5 kweyoKwindla kulo nyaka – yiba yinxalenye yombhiyozo okhuthazayo weelwimi, inkcubeko nokwahlukahlukana, ekwabelwana ngawo nabantu abaneengqondo ezifanayo kwihlabathi jikelele.
Nanjengoko ijoliswe kubafundi nabasebenzi, iVeki yeeLwimi eSU ibhiyozelwa ngohlobo lwemisitho emithandathu yasimahla, emithathu yenzeka kubuxhakaxhaka bale mihla ize emithathu yenzeke ubuso ngobuso. Imisitho eyenzeka ubuso ngobuso iquka iseshoni yeKaraoke eqhutywa ngeelwimi ngeelwimi ngeyure yesidlo sasemini (ngomhla wesi4 kweyoKwindla), iwekhshophu yangokuhlwa engolwimi nobulungu (ngomhla wesi4 kweyoKwindla), norhatya lweKhefi yeeLwimi olungentsebenziswano (ngomhla wesi5 kweyoKwindla). Imisitho eyenzeka kubuxhakaxhaka bale mihla iquka amathuba okufunda ulwimi amathathu angeyure yesidlo sasemini aza kukunceda ekubeni ufumane imvakalelo yolwimi ongathanda ukuluphengulula: isifundo sokungcamla isiXhosa (ngomhla wesi2 kweyoKwindla), isifundo sokungcamla isiAfrikansi (ngomhla wesi3 kweyoKwindla), nesifundo sokungcamla uLwimi lokuThetha ngeZandla lwaseMzantsi Afrika (ngomhla wesi5 kweyoKwindla). Nabani na kwihlabathi jikelele unokuba yinxalenye yale misitho yenzeka kubuxhakaxhaka bale mihla. Ukubhukishela le misitho yaseSU kulawulwa ngeEventbrite, apho uza kuthi kungekudala ufumane ingcaciso ethe vetshe malunga nayo yonke le misitho kwakunye neelinki zokubhalisa.
Imisitho yakumazwe ngamazwe emininzi nangakumbi iyafumaneka ngoManyano lweEUTOPIA. Amaziko kwihlabathi jikelele athatha inxaxheba kwiVeki yeeLwimi yeEUTOPIA minyaka le, nto leyo idala ithuba lokuba abasebenzi nabafundi abasuka kuwo onke amahlakani eEUTOPIA bazimase imisitho ekubuxhakaxhaka bale mihla ebudeni bale veki kwaye basebenzisane. I-SU yenye yeeyunivesithi ezingamahlakani eEUTOPIA kwihlabathi jikelele, nto leyo yenza ukuba kukwazeke ukuba singene kumanyano lwayo olungundoqo lweeyunivesithi eziseYurophu ukuze kudaleke indlela yokuba amazwe ngamazwe abelane ngolwazi nenkcubeko.
Bhalisa msinya ukuze uzigcinele indawo. Ingcaciso engeendawo neelinki zokuba yinxalenye ngobuxhakaxhaka bale mihla ziza kuthunyelwa emva kobhaliso. Ukuba uthe watshintsha isigqibo sakho emva kokuba uye wabhalisa, nceda wazise abaququzeleli ukuze bavulele omnye umntu eso sithuba sakho nokuze bangenzi amalungiselelo angeyomfuneko. Xa ufuna ukubuza imibuzo okanye ukurhoxisa ubhaliso, thumela i-imeyile kulanguagesweek@sun.ac.za.
EUTOPIA-SU Languages Week
-
Monday 2 March: IsiXhosa Language Taster (online) 13:00–14:00
-
Tuesday 3 March: Afrikaans Language Taster (online) 13:00–14:00
-
Wednesday 4 March: Multilingual Karaoke (in person) 12:30–14:00
-
Wednesday 4 March: Language & belonging workshop (in person) 17:30 for 18:00
-
Thursday 5 March: South African Sign Language Language Taster (online) 12:30–14:00
-
Thursday 5 March: Language Café (in person) 17:30 for 18:00
Onke amaxesha abekwe ngokwexesha elingummiselo laseMzantsi Afrika (GMT +2))
